सप्तरीसहित विभिन्न स्थानबाट चार स्वराजी पक्राउ

राजविराज, ९ मंसिर । सप्तरीको राजविराजबाट शंकर खड्गा र नाम नखुलेका तथा बाँकेको हजमिनियाबाट बेद प्रकाश र डुडुवा–६ बाट अब्दुल शेख गरी ४ जनालाई नेपाल प्रहरीले ‘नो भोट’कालागि प्रचार–प्रसार गरेको अभियोगमा शनिवार पक्राउ गरेको छ ।
नेपालको सर्वोच्च अदालतले विगतमा ‘राइट टू रिजेक्ट’को प्रावधान निर्वाचनमा राख्न निर्देश गरे तापनि वर्तमान निर्वाचनमा सो प्रावधान नराख्दा त्यसको विकल्पको रुपमा स्वतन्त्र मधेश गठबन्धनले, नेपालको विभेदपूर्ण संविधान तथा औपनिवेशिक शासन आफूहरुलाई स्वीकार्य न भएको जनाउनकालागि, मतपत्रमा ‘कोठा बाहिर मोहर’ लगाई ‘नो भोट’ खसाउनकालागि जनतासँग अपील गर्दै आएको छ । तर नेपाल सरकारले निर्वाचनमा ‘नो भोट’ खसाउनका लागि शान्तिपूर्ण रुपमा जनतासँग आह्वान गरिरहेका कार्यकर्ताहरुलाई समेत निशाना बनाई तिनीहरुलाई डराउने–धम्काउने, यातना दिने तथा पक्राउ गर्ने कार्य गरिरहेको गठबन्धनका सह–संयोजक कैलाश महतोद्वारा प्रेषित विज्ञप्तिमा जनाईएको छ ।
यस अघि स्थानीय चुनावको क्रममा समेत सो गतिविधिमा संलग्न भएको अभियोगमा गठबन्धनका प्रवक्ता समेत गरी दर्जनौं कार्यकर्ताहरूलाई नेपाल प्रहरीले गिरफ्तार गरेको थियो । शान्तिपूर्ण रुपमा ‘नो भोट’ का लागि आह्वान गरिरहेका समर्थकहरुको गिरफ्तारीले लोकतान्त्रिक मूल्य–मान्यता तथा आधारभूत मानवअधिकारको घोर उल्लंघन भएको गठबन्धनको ठहर रहेको भन्दै उनीहरुको अविलम्ब निःशर्त रिहाईको प्रेस विज्ञप्ति मार्फत माग गरिएको

source:newstoday dot com dot np